Vipcardin

TƏRKİBİ:

1 tabletin tərkibində 16 mq kandesartan, 5 mq  amlodipin vardır.

1 tabletin tərkibində 32 mq kandesartan, 10 mq amlodipin vardır.

FARMAKOTERAPEVTİK  QRUPU:  

Kalsium kanallarının blokatoru və angiotenzin reseptorlarının antaqonistinin kombinasiyası.

FARMAKOLOJİ XÜSUSİYYƏTLƏRİ

Farmakodinamikası

Preparatın tərkibində kalsium antaqonisti amlodipin və angiotenzin II reseptorlarının antaqonistləri qrupuna aid olan kandesartan sileksetil var. Bu maddələrin hər ikisi yüksək təzyiqi idarə etməyə kömək edir.

Amlodipin membranın zəif kalsium kanallarını blokadaya alaraq, kalsium ionlarının kardiomiositlərə və damarların saya əzələlərinin hüceyrələrinə transmembran daxil olmasının  qarşısını alır. Onun təsiri altında damarların tonusu (arteriol) və periferik damar müqaviməti azalır. Arteriolların genişlənməsi və postgərginliyin azalması hesabına amlodipin antianginal təsir göstərir. Onun reflektor taxikardiyanın yaranmasına səbəb olmamağını nəzərə alaraq, preparatın tətbiqi zamanı miokardın oksigenə tələbatı azalır. Amlodipin miokardın perfuziyasını yaxşılaşdıraraq istər intakt, istərsə də patoloji dəyişmiş koronar damarları genişləndirir; arzuolunmaz metabolik təsirlərə malik deyil.
Kandesartan sileksetil 1-ci tip angiotenzin-II-reseptorlarının selektiv antaqonistidir (AT₁-reseptorlar). Kandesartan angiotenzin I-i angiotenzin II-yə çevirən və bradikinini parçalayan AÇF-i inhibə etmir; AÇF-ə təsir etmədiyi üçün bradikininin yaxud P substansiyanın toplanmasına da gətirib çıxarmır.
Kandesartanın AÇF inhibitorları ilə müqayisəsi zamanı kandesartan sileksetil qəbul edən xəstələrdə öskürəyin daha az rast gəlinməsi müşahidə olunub. Kandesartan digər hormonların reseptorları ilə əlaqəyə girmir və ürək-damar sisteminin funksiyalarının tənzimlənməsində iştirak edən ion kanallarını inhibə etmir. Angiotenzin II-nin AT₁ reseptorlarının inhibə olunması nəticəsində reninin aktivliyinin, angiotenzin I və angiotenzin II-nin miqdarının dozadan asılı olaraq yüksəlməsi və qan plazmasında aldosteronun konsentrasiyasının azalması baş verir.

Preparat, arterial təzyiqi tək başına amlodipin və ya kandesartanla kifayət qədər idarə olunmayan xəstələrdə yüksək arterial təzyiqi müalicə etmək üçün istifadə olunur.

 İSTİFADƏSİNƏ GÖSTƏRİŞLƏR

• Arterial Hipertenziya
• Kandesartan və ya amlodipinin monoterapiyası ilə arterial təzyiqi adekvat şəkildə idarə olunmayan xəstələr

 ƏKS GÖSTƏRİŞLƏRI

• Kandesartana və ya Amlodipinə qarşı allergiya . Bu zaman qaşınma, dərinin qızarması və ya nəfəs almaqda çətinliklər ola bilər.
• Hamiləlik və laktasiya zamanı.
• Ağır böyrək çatışmazlığı zamanı (kreatinin klirensi < 30 ml/dəq).
• Ağır qaraciyər çatışmazlığı və ya öd yollarının obstruksiyası.
• Nəzərəçarpan hipotenziya zamanı.
• Ürək aorta qapağının daralması (aorta stenozu) və ya kardiogen şok.
• İnfarktdan sonra meydana çıxan ürək çatışmazlığı.
• Dihidropiridinlərə qarşı allergiya.
• Şəkərli diabet və ya böyrək funksiyası pozğunluğu. Qan təzyiqini aşağı salan ARB və AÇF inhibitorlarını, digər arterial təzyiqi aşağı salan preparatlar aliskiren ilə birlikdə istifadəsi.

ƏLAVƏ TƏSİRLƏRİ:

• Üzün, dodaqların, dilin və/və ya boğazın şişməsi nəticəsində tənəffüs çətinləşməsi
• Üzün, dodaqların, dilin və/və ya boğazın şişməsi, udmaqda çətinlik yarada bilər.
• Şiddətli dəri reaksiyaları, o cümlədən intensiv dəri səpkiləri, bütün bədəndə dərinin qızarması, dərinin şiddətli qaşınması, qabarması, soyulması və şişməsi, selikli qişaların iltihabı (Stivens Conson sindromu, toksiki epidermal nekroliz) və ya digər allergik reaksiyalar
• Ürək tutması, aritmiya
• Şiddətli qarın və bel ağrılarına səbəb ola bilən mədəaltı vəzi iltihabı

İSTİFADƏ QAYDASI VƏ DOZASI:

Preparatın tövsiyə olunan dozası gündə bir dəfə 1 tabletdir.

Tableti az miqdarda su ilə udmaq lazımdır.

Tableti hər gün eyni vaxtda qəbul etmək lazımdır.

BURAXILIŞ FORMASI: №28 tablet

2 blister x 14 tablet içlik vərəqi ilə birlikdə karton qutuya qablaşdırılıb.

MƏHSULUN VƏ ƏMTƏƏ NİŞANININ sahibi “WISE PHARMA”  LP – Böyük Britaniya.