Vipcardin-H

TƏRKİBİ:

1 tabletin tərkibində 16 mq kandesartan,  5 mq  amlodipin, 12,5 mq hidroxlortiazid vardır.

1 tabletin tərkibində 16 mq kandesartan,  10 mq  amlodipin, 12,5 mq hidroxlortiazid vardır.

FARMAKOTERAPEVTİK  QRUPU:  

Kalsium kanallarının blokatoru və angiotenzin reseptorlarının antaqonistinin kombinasiyası.

Farmakoloji xüsusiyyətləri

Farmakodinamikası

Preparatın tərkibində kalsium antaqonisti amlodipin və angiotenzin II reseptorlarının antaqonistləri qrupuna aid olan kandesartan sileksetil var. Bu maddələrin hər ikisi yüksək təzyiqi idarə etməyə kömək edir.

Amlodipin membranın zəif kalsium kanallarını blokada edərək, kalsium ionlarının kardiomiositlərə və damarların saya əzələlərinin hüceyrələrinə transmembran daxil olmasının qarşısını alır. Onun təsiri altında damarların tonusu (arteriol) və periferik damar müqaviməti azalır. Arteriolların genişlənməsi və gərginliksonunun azalması hesabına amlodipin antianginal təsir göstərir. Onun reflektor taxikardiyanın yaranmasına səbəb olmamağını nəzərə alaraq, preparatın tətbiqi zamanı miokardın oksigenə tələbatı azalır. Amlodipin miokardın perfuziyasını yaxşılaşdıraraq istər intakt, istərsə də patoloji dəyişmiş koronar damarları genişləndirir; arzuolunmaz metabolik təsirlərə malik deyil.

Kandesartan sileksetil 1-ci tip angiotenzin-II-reseptorlarının selektiv antaqonistidir (AT₁-reseptorlar). Kandesartan angiotenzin I-i angiotenzin II-yə çevirən və bradikinini parçalayan AÇF-i inhibə etmir; AÇF-ə təsir etmədiyi üçün bradikininin yaxud P substansiyanın toplanmasına da gətirib çıxarmır.

Kandesartanın AÇF inhibitorları ilə müqayisəsi zamanı kandesartan sileksetil qəbul edən xəstələrdə öskürəyin daha az rast gəlinməsi müşahidə olunub. Kandesartan digər hormonların reseptorları ilə əlaqəyə girmir və ürək-damar sisteminin funksiyalarının tənzimlənməsində iştirak edən ion kanallarını inhibə etmir. Angiotenzin II-nin AT₁ reseptorlarının inhibə olunması nəticəsində reninin aktivliyinin, angiotenzin I və angiotenzin II-nin miqdarının dozadan asılı olaraq yüksəlməsi və qan plazmasında aldosteronun konsentrasiyasının azalması baş verir.

Preparat, arterial təzyiqi tək başına amlodipin və ya kandesartanla kifayət qədər idarə olunmayan xəstələrdə yüksək arterial təzyiqi müalicə etmək üçün istifadə olunur.

Hidroxlortiazid – tiazid diuretikidir, diuretik təsiri nefronun distal hissəsində natrium, xlor, kalium, maqnezium ionlarının, suyun reabsorbsiyasının pozulması ilə əlaqəlidir; kalsium ionlarının, sidik turşusunun xaric olunmasını ləngidir. Arteriolların genişlənməsi hesabına antihipertenziv təsir göstərir. Praktik olaraq normal AT-yə təsir göstərmir. Diuretik təsir 1-2 saatdan sonra inkişaf edir, 4 saatdan sonra maksimuma çatır və 6-12 saat davam edir. Antihipertenziv təsir 3-4 gündən sonra meydana çıxır, lakin optimal terapevtik təsirə çatması üçün 3-4 həftə tələb oluna bilər.

 İSTİFADƏSİNƏ GÖSTƏRİŞLƏR

• Arterial hipertenziya (kombinəolunmuş terapiya göstəriş olan xəstələr).
• Kandesartan və ya amlodipin tək və ya birlikdə istifadə edildikdə arterial təzyiqi aşağı salmaqda təsirli olmadıqda.

 ƏKS GÖSTƏRİŞLƏRI

• VIPCARDIN-H-ın hər hansı inqrediyentinə qarşı yüksək həssaslıq (Qaşınma, dərinin qızarması və ya tənəffüs çətinliyi).
• Hamiləlik və laktasiya dövrü
• Kəskin böyrək çatışmazlığı (kreatinin klirensi <30 ml/dəq/1,73 m² BSA).
• Kəskin qaraciyər xəstəliyi və ya öd yollarının obstruksiyası.
• Kəskin hipotenziya .
• Ürəkdə aorta qapağının daralması (aorta stenozu) və ya kardiogen şok.
• İnfarktdan sonra meydana çıxan ürək çatışmazlığı.
• Tərkibində sulfanilamidlər və ya dihidropiridin törəmələri olan dərmanlara qarşı allergiya.
• Podaqra xəstəliyi.
• Qandakı kaliumun səviyyəsi davamlı olaraq aşağı olması.
• Qandakı kalsium səviyyəsi davamlı olaraq yüksək olması.
• Şəkərli diabet və ya böyrək çatışmazlığı , qan təzyiqini aşağı salan ARB və AÇF inhibitorlarını, o cümlədən VIPCARDIN-H, digər qan təzyiqini aşağı salan dərman aliskiren ilə birlikdə istifadəsi.
• Anuriya (sidik ifraz edə bilməmək).

ƏLAVƏ TƏSİRLƏRİ:

• Üzün, dodaqların, dilin və/və ya boğazın şişməsi nəticəsində tənəffüs çətinləşməsi
• Üzün, dodaqların, dilin və/və ya boğazın şişməsi, udmaqda çətinlik yarada bilər.
• Şiddətli dəri reaksiyaları, o cümlədən intensiv dəri səpkiləri, bütün bədəndə dərinin qızarması, dərinin şiddətli qaşınması, qabarması, soyulması və şişməsi, selikli qişaların iltihabı (Stivens Conson sindromu, toksiki epidermal nekroliz) və ya digər allergik reaksiyalar
• Ürək tutması, aritmiya
• Şiddətli qarın və bel ağrılarına səbəb ola bilən mədəaltı vəzi iltihabı

İSTİFADƏ QAYDASI VƏ DOZASI:

Preparatın tövsiyə olunan dozası gündə bir dəfə 1 tabletdir.

Tableti az miqdarda su ilə udmaq lazımdır.

Tableti hər gün eyni vaxtda qəbul etmək lazımdır.

BURAXILIŞ FORMASI: №28 tablet

4 blister x 7 tablet içlik vərəqi ilə birlikdə karton qutuya qablaşdırılıb.

MƏHSULUN VƏ ƏMTƏƏ NİŞANININ sahibi “WISE PHARMA”  LP – Böyük Britaniya.